يـاخـالـق اراضيــن وابـحـار **** الـواحـد الـمـعــبـود رازق عـبـيـده
الـخـالـق الغـفـار عـلام الاسـرار **** وفـرق شعوب الارض في كـل يـده
وابدي واسولف من عذيبات الاشعار **** ابــيات شعـر والمعـاني وكيده
اشـري وابيع واعرف كيـف بـختار **** واختار من جزل البيوت الـفريـده
واذكـر تـراث وعـز وامـجاد وافخار **** قـبائل تـومن بـديــن و عـقـيده
وصلت حضارتنا على سطـح الاقمار **** ابـنا الجزيرة والجزيره مــجيده
في ظـل حكام لهــم فعل واشـوار **** آل الـسـعـود الـلي تفك الضهيده
نسل الـزعيم الحـاكـم العادل البار **** مـجـدد امـجـاد الجــزيره بـجـيده
حتى اصبحت حره وحنا له انصار **** في ظل اخو نـوره هنوف سعيده
وصـارت لابو تركي بطـوله وتذكار **** والـفخر والامـجاد تبقى شهيده
وخـلـف لنا امـلوك لهـم فعـل واخبار **** الشعـب واحـد والقياده رشيده
والامـن بانينه على ساس وجـدار **** وقـرو على الـعابث عقوبه شديده
وحـنـا حـمـاة الـدار من كل غـدار **** وما هـمـنـا بـطـشـه وخبثه وكيده
قـبـائل مالـحـقـناهـم اوعـار **** وعـشـنا بـهـذي الــدار عـيـشه رغـيده
والـحـمـد لله نـحـمـده سـر واجهار **** شعب تـكـاتـف من سـنـين مديده
ودون الــوطن جـيـش على كل معبار **** لارفـرف الـبيرق ونادى عقيده
بشرق البلاد وغربـها دوم حـضار **** وارض الشمال اللي نـفـوده مديده
وارض الـجـنـوب اللي تخيضر بالاشجار **** جـزيـرة فيها الـقبايل عديده
ارض بـها قـحـطـان وافين الاشبار **** ويـاعـز منهم بالـشـدايد بـسـيـده
واذكـر عـتـيـبـه يوم للـطـيـب مغـوار **** لا ثارت الـهـيـجا وقـرب ضديده
وشـمـر هـل الـطولات والجود مقدار **** اهل الكرم واهل الفعول الحميده
وقوم اعـنـزه مـرويـن الاخـصـام الامـرار **** اولاد وايل من عصور عهيده
ومـطـيـر قـوم تـكـرم الـضيف لا زرار **** وياويل خصم في حراهم وعيده
واذكـر قبيلة حـرب يانـعـم الاخـيـار **** وتاريـخـهـم يحكي سطور مجيده
وسـبـيـع نعـم الـقـوم ووجـيـه الاسفـار **** زبن الدخيل ليا زبن من طريده
واذكـر قـبـيـلـة يـام والـطـيـب ينـدار **** اهـل العـلوم الـوافيـه والرشيده
ثـم الـدواسـر تـجـعـل الـخصـم مـنهار **** عـيال زايـد عـز مـنهـم سـنـيـده
ثـم الـسـهـول اللي لها الطـيب مدرار **** وعن منهج العادات ماهي محيده
ثـم اذكـر الـعـجـمـان حـمايـة الـجـار **** والـمـرجـلـه والـجـاه فيهم عتيده
واذكـر بـني مـره طـويـلـيـن الاعـمـار **** مـا يـنـقـد الـمـري ولا له نـقيده
ثـم الـهـواجـر لابـه تـقـدح الـنار **** اهـل الـركـاب الـلي خـطـاهـا بـعـيده
واذكـر بـني خـالـد قـبـيـلـة وامـار **** قـوم لهم في الـمجد قول ورصيده
وبـنـي تـمـيـم اللي لها الطـيب مـصـدار **** بـنـي تـمـيـم وكل فعل تجيده
ثـم الـزعـوب اللي بـها الـخـصـم يـحتار **** شجعان ماترضى سوا ماتريده
الـعـازمـي وافي وفي الطـيب بيطار **** روحه على كل المصاعب صميده
ثـم الـظـفـيـري في الـمصاعـيب جـبار **** والطيب والامداح باصله وطيده
ثـم اذكـر الاشـراف بـجـلال واكـبار **** اهـل الـحـجاز اللي تـفـك الـزهيده
ثـم الـهـذيـلـي له مـواقـف ومـنـدار **** راعي الفخر راعي العلوم السديده
ثـم الـبـقـوم اللي لـهم جـيـش وامـهـار **** ريـف الـضـيـوف ليا لفاهم وليده
واذكـر ثــقــيــف اللي لـهـم مجـد وآثار **** ومهـما حسبنا من كلام نعيده
وبـلـحـارث اهـل الـعـز بـشـهـود واقـرار **** ا لـحارثي ياطيب فعله وجيده
والـمـالـكـي مـعروف لا صار ما صار **** في موقف اهل الطيب يبذل جهيده
واثـنـي تـحـيـاتي عـدد وبـل الامـطـار **** على سلـيـم وكـل خـصم تكـيده
واذكـر جـهـيـنـه هـل مـواقيف وادوار **** تلقى الـجـهيني راسم الطيب بيده
واذكـر بـلي والـمـجـدله فعـل واظـهـار **** وتـاريـخـهـم يـحكي فعول فريده
وبـنـي عـطـيه في الـمـواجـيـب حـضار **** قـوم بـوقـت الـجـد قـوم عـنيده
ثـم الـحـويـطـي والـكـرامـه له اشـعـار **** ثـم الـشـراري لـه فـعـول مفـيده
ثـم الـرشـيـدي في الـصـعـيـبـات صـبـار **** عـلى عـلوم الطيب فعله يزيده
وباقـي جـنـوب الـدار والـقـاف مـادار **** باقـي عـلى قلبي كلام واشـيده
زهـران نـعـم القـوم فـي وقـت الاضـرار **** والـخـصـم عينه من لقاها سهيده
والـغـامـدي مـعـروف لـه عـزم واصـرار **** راعـي الـمـراجـل والعلوم المفيده
وشـمـران قـوم والـجـمـايـل لـهـا اطـوار **** وبـلـقـرن سـم للـقـلـوب النكـيده
والاxxxي والـمـحـلـفـي مابـعـد بار **** والـحـارثي طـيـبـه وفـعـلـه يـشـيـده
وبـنـي شـهـر وبـنـي عـمـر سـيـف بـتـار **** قـوم على الاخـصام نـار وقيده
والاسـمـري والاحـمـري صـيـتـهـم سـار **** بـيـن الـقـبايل والمواقف شهيده
واذكـر عـسـيـر الـهـول ذربين الاذكــار **** وابها احتموها فالسنين الشديده
وادهـم والـصـيـعـر على حـد الاقـطـار **** يـحـمـون حـد الـدار مـن اللي يريده
وامـشـي مـع الـسـاحـل مـع جـمـلـه افـكـار **** رسـمـتـها والطير زان تغريده
وانـزل على جـيـزان تـاريـخ واديـار **** ورجـــال فـيـفـا والـقـبـايـل عـديده
وارجـوا العـذر واهـل الـمـواجيب عذار **** الي نـسـيـتـه مانذكر في القصيده
الـواهــبـي عــدد ابــيـوتـه بـالادوار **** مـن شـاعـر مـاشـل قـلـبـه حـقـيـده
شـهـران ربـعـي هـم هـل المدح والكار **** واهل الكند واهل السيوف الجديده
يـوم الـبـلـد مـايـامـن الـزنـد لاثـار **** زيـزومـنـا ابـن مـشـيـط نـعـم الـولـيـده
فـالـجـهـل شـجـعـان وفـي الـسـلـم تـجار **** من بـطـن بـيـشه للتـهم لارفيده
حـبـيـت ابـيـن مـوقفي بـيـن شـعار **** وارجـوا سـمـوحـتكـم عـلـى ذا النشيده
مـاحـب انـافـق واتـعـنـصـر تـعـنـصـار **** ولا نـي بـاطـيـع اهـل العقول البليده
مـا كـل مـن طـب الـبـحـر قـيـل بـحـار **** ومـا كـل مـن شـل الفـشق جاب صيده
فـالـــشـــعـــر بـسـتـان بــه ورد وازهــار **** والـلـي تـعـداهـا بـيـوتـه فـقـيـده
واقـولـهـا فـي الـشـعـر تـكـرار وامـرار **** ظـرف بــلا عـنـوان يـلـغـى بـريـده
وبـعـض الـسـوالـيـف لـه مـواقـف ومـحـضـار**** وشـعـر بـلا مـعـنى لـزوم نبيده
وصـــلـــوا عــلـى الـمـرسـول شـفاع الابـرار**** مـحـمـد الـهـادي وقـدوة عـبـيـده
الجمعة مايو 30, 2008 6:57 am
