هز ..{ المطـر .. ذكرى حنيني .. وهزيت
شيٍ فـ قلبي ثار .. بين الحنايا
يا صاحبي سااامح .. إذا بحقك أخطيت
بكــره نموت .. وكلنا للمنايا
مابيك تدمح للخطا .. يوم أنا جيت
لأن البقى ,, مـا عاد فيها { بقـايـا
ولا أبيك تعذرني أنا يوم .. صديت
جرحك في [قلبي] نـازف بالخفايا
درب الهوى مبطي وأنا منه عانيت
مير البـلا موجود بين الـزوايـا
عاشرت ناس وشفت ناس وماشيت
أعطي ..ولاعمري جنيت العطـايا
ياما نصيتك وأنت عني ..تخليت
وياما رجيت / ولا نفعني رجـايـا
وياما و ياما في حياتي .. تمنيت
أشياء كثيره / ولا تحقق هوايـا
لو القدر بيدي .. ماقلت ياليت
الوقت / ماخلى لـ جروحي سوايـا
هي واقفة الدنيا إلى مني أقفيت ..؟
محدٍ درى عن ( ضيق صدري / عنايا )
صديت عنك و أعترف أني أبطيت
من مننا معصوم عنه الخطـايا ؟!
و أبيك تسمح كـاني في يوم أخطيت
بـــكـــرهـ نـموت .. وكلنا للمنايـا
للشاعر \ فيصل فهد العنزي
الجمعة مايو 30, 2008 6:49 am
